«Шолпы» қыз балалар клубының ұйымдастыруымен «Еліміздегі баспасөз қызметінің орны» атты танымдық кездесу өтті.

Шарада «Шолпы» клубының жетекшісі Алмагүл Сарыбай жалпы баспасөз бен баспасөз қызметкерінің қоғамдағы рөліне тоқталды. Облыстық «Ақтөбе» газетінің жауапты хатшысы Мұратбек Ержақып өзі еңбек ететін, ғасырлық тағылымды тарихы бар басылымның өңірдің қоғамдық-саяси өмірінде алар орны туралы айта келе, шығармашылық бағытында атқарылып жатқан жұмыстардан хабардар етті. Белгілі журналист Бақыт Жаншаева, С.Бәйішев атындағы облыстық әмбебап-ғылыми кітапханасы мерзімді басылымдар бөлімінің қызметкері Жадыра Сағидоллақызы, қаламгер Еркін Дінахметов баспасөздің қоғамдағы орны туралы өз ойларымен бөлісті.

Қ.Жұбанов атындағы Ақтөбе өңірлік университеті жоғары колледжінің бір топ студенттері баспасөз туралы өлеңдер оқып, музей директорының Алғыс хаттарымен марапатталды.