23-24 қарашада облыстық тарихи-өлкетану музейі және ҚР ҒЖБМ ҒК Ә.Марғұлан атындағы Археология институты бірлесіп, «Халықтардың Ұлы қоныс аударуы қарсаңындағы далалық тайпалар» атты халықаралық ғылыми-тәжірибелік конференциясын ұйымдастырады.
Шараның басты мақсаты — отандық және шетелдік ғалымдардың Ұлы қоныс аудару кезеңіндегі ғұн тайпалары мәдениетін зерттеудегі жетістіктерін көпшілікке жеткізу.
Конференция жұмысында ғұн кезеңі ескерткіштерін зерттеу, Халықтардың Ұлы қоныс аударуы дәуіріне қатысты жаңа археологиялық ашулармен байланысты сұрақтар қарастырылып және ғұн дәуірін зерттеу перспективалары мен өзекті мәселелері талқыланады.
Конференция жұмысы аясында ауқымды мәдени бағдарлама жоспарланған. Оның ішінде Ақтөбе, Атырау, Маңғыстау және Батыс Қазақстан облыстары музейлерінің қорынан ғұн-сармат кезеңі бұйымдарынан жылжымалы көрме ұйымдастырылып, сонымен қатар Елек І кездейсоқ табылған материалдары негізінде ғұнның костюмі, қару-жарақ және ат әбзелі жиынтықтарының ғылыми-көркемдік және заттай қайта жаңғыртпасының ашылуы өтеді.
Ғылыми шараға Қазақстанның, Түркияның, Венгрияның, Монғолияның, Ресейдің, Өзбекстанның, Қырғызстанның жетекші тарихшылары, археологтары, ғылыми-зерттеу ұйымдарының қызметкерлері қатысады.
Тарихи сәтті бірге тамашалайық! Қапы қалмаңыздар!
Өтетін орны: «Аmanat» партиясы Ақтөбе облыстық филиалының ғимараты.
Тургенев көшесі, 86, 2-қабат, күмбезді зал.
Уақыты: 23-24 қараша, сағат 9:00.