Ақтөбе облыстық
ТАРИХИ-ӨЛКЕТАНУ
МУЗЕЙІ

  

Афиша

"Абай - замана заңғары"

09-08-2021

Толығырақ...

Мұсылманшылықтың тұтқасы

27-07-2021

Толығырақ...

Виртуалды музей

Яндекс.Метрика

 

Қазақ хандығы залы

Тұтастай қазақ тарихының бір бөлшегі болған – Ақтөбе өлкесі ертеден ұлтымыздың ерекше қасиеттері – батырлық пен биліктің, шешендік пен ақындықтың дәуірлеген ортасы болған жер.

Қазақ хандығының құрылуы, ішкі-сыртқы саясатының дамуы, қазақ халқының ХVІІ-ХVІІІ ғасырлардағы жоңғар-қалмақ шапқыншылығына қарсы соғыстары және ХІХ ғасырдағы патша үкіметінің отаршыл-әміршіл саясатына бағытталған ұлт-азаттық көтерілістері мен қозғалыстардың тарихы, қолбасшылар мен батырларға қатысты жәдігерлер мен деректі құжаттар негізінде «Қазақ хандығы» тақырыптық-экспозициялық залы жасақталды.

Экспозициядан түпнұсқа жәдігерлер қатарындағы – Бұжыр батыр мен Есет батырдың сауыттарын тамашалап, Қарақыпшақ Қобыланды батыр, Әйтеке би Бәйбекұлының және Әбілқайыр ханның бас сүйектері негізіндегі антропологиялық реконструкцияларымен танысасыз. Арынғазы хан Әбілғазыұлының киген кіреуке сауыты, тұтынған жез тостағаны мен ағаш ожауы – бағалы жәдігерлер. Есет батыр Көтібарұлының «Русский художественный листок» журналына шыққан және 1859 ж. Санкт-Петербургте өткен Батыс өлке қазақтарының депутациясына қатысқан кездегі суреттері қойылған.

1973 жылы антрополог Ноэль Шаяхметов Махамбет ақынның бас сүйегі негізінде антропологиялық реконструкциясын жасаған болатын. Сол реконструкция бүгінде зал экспозициясынан орын алды.