Ақтөбе облыстық
ТАРИХИ-ӨЛКЕТАНУ
МУЗЕЙІ
Қазан айының 15-і күні Алға ауданының Самбай ауылында Ақтөбе облыстық тарихи-өлкетану музейі облыстық мәдениет, архивтер және құжаттама басқармасының қолдауымен Алға аудандық білім бөлімі, Самбай ауылының А.Байтұрсынов атындағы мектебімен бірлесе отыра, Алаштың ардақты тұлғасы А.Байтұрсыновтың туғанына 150 жыл толуына орай «Даланың дара ұлы – Ахмет» атты ғылыми-тәжірибелік конференциясын ұйымдастырып өткізді.
А.ж. 9 қазан күні Ақтөбе облыстық тарихи-өлкетану музейінің «Қазақ хандығы» залында ҚР еңбегі сіңген мәдениет қызметкері, «Құрмет» орденінің иегері, «Үздік өлкетанушы», «Облысқа сіңірген еңбегі үшін» белгісінің иегері, ҚР Журналистер одағы сыйлығының лауреаты, Ырғыз ауданының және Ақтөбе қаласының Құрметті азаматы Рысжан Ілиясованы еске алуға арналған дөңгелек үстел өтті. Шараның мақсаты — өлкетанушының өнегелі өмірін дәріптеп, насихаттау.
28 қыркүйек күні Ақтөбе облыстық тарихи өлкетану музейінде қазақтың ұлы жазушысы, қоғам қайраткері, Қазақстан ғылым академиясының академигі, профессор, Қазақ КСР еңбек сіңірген ғылым қайраткері Мұхтар Омарханұлы Әуезовтің туғанына 125 жыл толуына арналған «М. Әуезов және оның «Абай жолы» роман-эпопеясы» атты дөңгелек үстел өтті.
Тамыз айының 17-сі күні сағат 15:00-де музейдің көрме залында Қазақстанның Халық жазушысы, Қазақстанның Еңбек Ері, көрнекті ақын, қоғам қайраткері Мұхтар Шахановтың 80 жас мерейтойына арналған «Тәуелсіздік жолымен: Шаханов шыққан шың» тарихи-танымдық шара өткізілді.
23 маусым күні Ақтөбе облыстық тарихи-өлкетану музейінде 28 маусым — Бұқаралық ақпарат құралдары қызметкерлерінің күні мерекесіне арналған «Ақтөбенің ақпарат әлемі» атты облыстық газеттер және музейдің ғылыми архивіндегі газеттер мен музей қорындағы фотоаппараттар көрмесінің ашылу рәсімі өтті.
