24 мамыр күні конференц залда Қазақстан Республикасындағы Адам құқықтары жөніндегі Уәкілдің Ақтөбе облысы бойынша өкілі Байдуллина Аққалқа Жанғабылқызымен музей қызметкерлері арасында құқықтық сағат ұйымдастырылып өткізілді.

Кездесу барысында бірқатар тақырыпты қозғаған Өкіл, бірінші кезек «Адал азамат» концепциясына тоқталды.

2024 жылдың 15 наурызында өткен Ұлттық құрылтайда көтерілген бұл тұжырымдама жобасы қоғамдағы мінез-құлық этикасын қалыптастыру, отбасылық құндылықтарды нығайту (зорлық-зомбылыққа мүлдем төзбеу), еңбекқорлық пен кәсіпқойлық, жастардың экологиялық мәдениеті мен патриоттық рухын қалыптастыру сияқты міндеттерді қамтитын айтты.

Осы ретте отбасылық тұрмыстық зорлық-зомбылыққа қатысты қабылданған жаңа Заңға да, түсіндірме берген Өкіл Заңдағы қамтылған өзгерістерді ашып айтып берді.

Сондай-ақ, кездесу барысында адам құқықтары, Омбудсмен институты, адамның қадір-қасиеті мен бостандықтарын қорғаудың маңыздылығы, еңбек құқықтарының сақталуы сияқты тақырыптар да қозғалды.

Кездесу соңында музей ұжымының бірнеше қызметкері Өкілге жеке қабылдауға жүгінді.