13 қараша күні Ақтөбе облыстық тарихи-өлкетану музейінде «Қазақ аналары - Дәстүрге жол» РҚБ-нің мүшелерімен кездесу сағаты өтті. Шебер аналар түрлі мәдениет орындарында шараларға қатысып, рухани дамып, ұлттық құндылықтарды насихаттау жолында үлкен жұмыстар атқарып келеді.

Жалпы тарих, археология және этнография ғылыми- зерттеуді қамтамасыз ету бөлімінің меңгерушісі Айдана Тыныштыққызы аналармен сұхбат жүргізіп, музейдің этнография залында  қолөнерші аналардың шеберлік сағатын ұйымдастырды. Кездесу соңында  Ақтөбе қаласының тұрғыны, шебер-ана Қалимаш Кәрімбердиева музей қорына өз қолынан шыққан киіз үй жабдығы басқұрды сыйға тартты.