Ақтөбе облыстық тарихи-өлкетану музейінің қоры ақын, сазгер, драматург Бәкір Төлеуұлы Тәжібаевтың бала кездегі алғашқы домбырасымен толықты. Домбыра ағаштан шағын етіп жасалып, шанағының артқы бөлігі ортасына дейін сүйекпен өрнектеп қапталған, төмен қарай бас бөлігі түйенің көн терісімен қапталған. Алдыңғы бетінен төменгі екі пернесінің тұсына да сүйек өрнек жапсырылған. Сақталу сапасы өте жақсы. Шебері белгісіз. Домбыра Бәкір Тәжібаев тәрбиеленген әкесінің інісі Селбай ағасының үйінде, қызы Баян апайдың қолында отбасылық құндылық ретінде сақталып келген...
