26-тамыз күні Қазақстан Республикасы мен Корея Республикасы арасындағы дипломатиялық қатынастардың орнағанына 30 жыл толуы мен корей халқының республика территориясына күштеп көшірілуінің 85 жылдығы аясында 2022 жыл – Қазақстан Республикасы мен Корея Республикасы арасындағы мәдени алмасу жылы болып жариялануына орай корей халқының тарихы мен мәдениетінен сыр шертетін бұйымдардан, фотоматериалдардан, кітаптардан «Ақтөбе облысының корейлері: тарих және мәдениет» тақырыбындағы жасақталған көрменің ашылу салтанаты өткізілді.
Көрменің мақсаты: корей халқының ғасырлар бойы қалыптасқан ұлттық мәдениетімен және ХХ ғасырдың 30-жылдарындағы Қазақстан жеріне оның ішінде Ақтөбе облысына депортациялану тарихымен таныстыру.
Көрменің ашылу салтанатына Қазақстан халқы Ассамблеясы мен «Облыстық корейлер Ассоциациясы» жанындағы шығармашылық ұжым өкілдері, «Ақтөбе облысы әкімінің аппараты» ММ жанындағы «Қоғамдық келісім» КММ өкілдері, өлкетанушылар, мәдениет қызметкерлері қатысты.
Көрме экспозициясына корей халқының ұлттық мәдениетінен сыр шертер құнды әрі бірегей тұрмыстық және музыкалық саз аспаптары қойылды.
