Ақтөбе облыстық
ТАРИХИ-ӨЛКЕТАНУ
МУЗЕЙІ

  

Афиша

Prev Next

Ақтөбенің ақпарат әлемі

21-06-2022

Толығырақ...

Ақтөбенің ақпарат әлемі

20-06-2022

Толығырақ...

Ұлттық құндылықтар - ұлтымыздың қорғаны

17-05-2022

Толығырақ...

Музейдің түнгі сырлары

17-05-2022

Толығырақ...

"Ұлттық құндылықтар - ұлтымыздың қо…

03-05-2022

Толығырақ...

Онлайн сұхбат музей қонағы Сәрсембин Үмб…

25-04-2022

Толығырақ...

"Абай мұралары - ұлттың рухани жаңғ…

25-04-2022

Толығырақ...

"Разведчик недр, искусный мастер, у…

25-04-2022

Толығырақ...

Виртуалды музей

Яндекс.Метрика

 

«Ерлік пен Даңқ» залы

«Ерлік пен Даңқ» залының экспозициясы Ұлы Отан соғысы, 1979-1989 жылдардағы Ауған соғысы және қазақтан шыққан тұңғыш генерал-лейтенант жерлесіміз Жансен Кереев туралы баяндайды.

Ұлы Отан соғысына Ақтөбе облысынан 122 мыңнан астам адам аттанып, 36 мыңнан астамы оралмады. 35 ақтөбелік Кеңес Одағының Батыры атағын иеленсе, 9-ы үш дәрежелі Даңқ орденінің толық иегерлері. Шығыс қыздары арасынан шыққан екі батыр қыздың бірі – Әлия Молдағұлованың (1925-1944 жж.) ерлігі оны өшпес даңққа бөледі.

Ақтөбеде жасақталған Мәскеу қаласын қорғауда ерен ерлік көрсеткен атақты 312-атқыштар дивизиясы, Ржев түбінде ерлікпен шайқасқан 101-атқыштар бригадасы, 74-дербес теңіз атқыштар бригадасы мен 129-минометшілер полкі Ұлы Жеңіске жету жолында шайқасты.

Ақтөбеліктер соғыс даласында ғана емес еңбек майданында да ерліктің асқан үлгісін көрсетті. «Бәрі де майдан үшін, Бәрі де Жеңіс үшін» атты экспозицияда Ақтөбеліктердің ауыл шаруашылығы мен өнеркәсіптік өндіріс саласында жасаған еңбектері, майданға көмегі, Жеңіс күнін жақындатуға қосқан орасан зор ерліктері баяндалады. Соғыс жылдары атақты тарышы, «ақ тарының атасы» атанған Шығанақ Берсеев (1881-1944 жж.) тарының жаңа сұрыпын өсіріп, дүниежүзілік рекорд жасады.

Кеңес әскерінің Ауғанстан территориясынан шығарылғанына 30 жыл толуына орай «Ауған соғысы майдангерлері» экспозициясы жасақталды. 1979-1989 жылдардағы Ауған соғысында 2 мыңға жуық Ақтөбелік жауынгер өз борышын өтеді. Соның ішінде жерлесіміз Вячеслав Письменный Кеңес Одағының Батыры атағын иеленді.