4 шілде күні Ақтөбе облыстық тарихи-өлкетану музейінде Ұлттық домбыра күніне орай «Даламыздың үнісің сен, домбыра!» атты көрменің ашылу салтанаты өтті.

Көрмеге Момын Байғанин, Айса Шәріпов, Бәкір Тәжібаев сынды еліміздің танымал өнер және қоғам қайраткерлеріне тиесілі, тарихи-мәдени құндылығы жоғары домбыралар коллекциясы қойылды. Әр домбыраның өзіне тән тарихы, иесінің өнер жолындағы орны мен елге сіңірген еңбегі туралы тың мәліметтер ұсынылды.

Ашылу рәсіміне танымал домбырашы Талап Хамзин мен белгілі жыршы Әділбек Сарин «Ер Едіге» жыр мектебінің шәкірттерімен бірге қатысып, өз өнерлерін көрсетті.

Көрме 4 шілдеде басталып, 15 шілдеге дейін жалғасады.