Ақтөбе облыстық тарихи-өлкетану музейі – 1929 жылы жергілікті өлкетанушылардың бастамасымен ұйымдастырылған өлке тарихына арналған көрме негізінде ашылды. Алғашқыда шағын мектеп музейі ретінде шаңырақ көтеріп, кейіннен «Жергілікті өлкетану музейі», «Округтік өлкетану музейі» деп аталды. Қазіргі таңда халқымыздың асыл қазыналарын жинақтап, өлкеміздің өткені мен бүгінін жалғап отырған облысымыздағы ғылыми зерттеу, мәдени-ағарту және құнды мұраларымызды насихаттаушы ірі мәдени ошақтың бірі.
Осы уақыт аралығында музей қорында 120 мыңнан астам тіркеу бірлігі есепке алынған. Олар – минерология, палеонтология, ботаника, археология, тұрмыс пен этнография, қол өнері мен зергерлік бұйымдар, космонавтика, нумизматика, сирек кітаптар, деректі құжаттар, фотоматериалдар коллекциялары.
2018 жылы іске қосылған музейдің жаңа ғимаратында өлке тарихына байланысты 9 тұрақты экспозиция залдарының, көрме залының, археология, табиғатты қорғау, ұлттық қолданбалы өнер бағытындағы үйірмелердің, «музейдегі сабақ» қызметтері ұсынылады. Сонымен бірге музейден тыс «Ақтөбе кеше және бүгін», «Арайлы Ақтөбе», «Ақтөбе құтты мекен» тақырыптарында қала бойынша және облыс аумағында орналасқан тарихи-мәдени кешендер мен табиғат ескерткіштеріне туристік экскурсиялар ұйымдастырылады.
Музей 1999 жылдан Красноярскідегі «Открытый музей» Халықаралық ассоциациясының, 2003 жылдан «Қазақстан ИКОМ» - Халықаралық музейлер кеңесінің Қазақстандық қауымдастығының мүшесі.

Мекен-жайымыз: Ақтөбе қ., Ораз Тәтеұлы, 3.

E-mail: Этот адрес электронной почты защищён от спам-ботов. У вас должен быть включен JavaScript для просмотра.