Облыстық тарихи-өлкетану музейінде Ақтөбе облысының 90 жылдығы аясында ғасырдан астам тағылымды тарихы бар «Актюбинский вестник» газетінің фототілшісі Қуандық Төлемісовтің алғашқы фотокөрмесі өтті.
Көрмеге автордың Ақтөбе қаласы мен өңірге қатысты тарих, мәдениет, спорт тақырыптарындағы және түрлі шараларда түсірілген жеке фотолары қойылды.
Қуандық Қорғанбекұлы 1990 жылы Ақтөбе қаласында дүниеге келген. №42 орта мектебінің түлегі. Мектепте оқыған жылдары облыстық Оқушылар сарайының және эстетика мен дизайн мектебінің сурет үйірмелеріне қатысқан кезінде оның осы өнерге деген құштарлығын арттырып, шығармашылығын шыңдады.
Фотокөрме қараша айының соңына дейін жалғасады.Келіп, тамашалауларыңызға болады.
