Көрменің мақсаты – Ақтөбе облыстық тарихи-өлкетану музейі қорына 1991 жылдан бері түскен өлке тарихына қатысты және жерлес тұлғалар тұтынған құнды жәдігерлерді музей келушілеріне таныстырып, дәріптеп, насихаттау.
Аталған көрме экспозициясына этнографиялық бұйымдар, тұрмыстық заттар, музыкалық аспаптар, картиналар, т.б. қойылды. Күйші Бақыт Басығаревтың, Қазақ КСР-і прокуратурасын 18 жыл басқарған І-класты мемлекеттік әділет кеңесшісі Өтеген Сейітовтің, әскери ғылымдар кандидаты, генерал-лейтенант, ІІ-дәрежелі «Даңқ» орденінің иегері Болат Жанасаевтың, ақын Қуандық Шаңғытбаевтың, т.б. тұтынған жеке заттары бар. Сонымен қатар облысымыздағы ірі кәсіпорындар мен шағын және орта бизнестің дамуына үлес қосып келе жатқан өндіріс орындарының өнімдері орналастырылған.
