Осындай тақырыпта 1 наурыз — Алғыс айту күніне арналған танымдық кездесу өтті. Оған университет және колледж студенттері қатысты.
Шарада қалалық полиция басқармасы патрульдік полиция батальоны командирының орынбасары, полиция капитаны Рустам Өтегенов, ерлігімен ерекшеленген, «Ерлігі үшін» медалімен марапатталған, аталған патрульдік полиция батальоны қызметінің инспекторы, полиция аға лейтенанты Қуандық Сабыржан, «Оксана» украиндердің ұлттық-мәдени орталығы қоғамдық бірлестігінің мүшесі Алла Шапкина адамдарды бір-біріне мейірбандық танытып, жақындата түсетін бұл айтулы мерекенің егеменді еліміз үшін маңызы зор екенін айтып, шараны ұйымдастырушыларға алғыстарын білдірді.
Кездесу соңында музей директорының орынбасары Медет Құлмұханов қонақтар мен Қ.Жұбанов атындағы Ақтөбе өңірлік университеті және Мәншүк Мәметова атындағы Ақтөбе жоғары медициналық колледжіне музей басшысы атынан Алғыс хаттар мен сыйлықтар табыстады.
