ISВМ – 978-601-06-9237-4
«Музей жаршысы №1 ». Ғылыми журнал. Ақтөбе облыстық тарихи-өлкетану музейі. Ақтөбе, 2023. -235 б.
Қадірлі оқырман!
Қолдарыңызға Ақтөбе облыстық тарихи-өлкетану музейі ұжымының бастамасымен шығарылған «Музей жаршысы» журналының алғашқы нөмірі тиіп отыр. Бұндай басылымның жарық көруі тоқсан төрт жылдық тарихы бар мәдениет ордасының дамуында елеулі оқиғалардың бірі деп білеміз.
Музейлер әр кезде өркениет құндылықтарын жете түсінуге мүмкіндік беретін осыған қатысты әр буын өкілдерінің қоғамдық ойларын тоғыстырған ашық алаң екені анық. Уақыт көші алға жылжыған сайын музейлердің қарышты дамуына жаңашылдықпен кең жол ашылып, жетілген заманауи технологиялар арқылы жәдігерлер сандық форматқа көшірілуде. Бүгінде музейлер тек қана жәдігерлер сақтаған ұрпақ жадының қоймасы ғана емес, өткен мен болашақты жалғайтын ғылыми жобаларды жүзеге асырып келе жатқан ірі зерттеу орталықтарына айналды. Бұл ретте музей қорларындағы сақталып тұрған мәдени-рухани құндылықтардың өз айтары бар екендігін ұмытпағанымыз жөн.
Осы бағытта облыстық тарихи-өлкетану музейінде еңбек етіп келе жатқан ғылыми қызметкерлер мен мамандар музей ісінде кең көлемді мәдени іс-шараларды ұйымдастырумен бірге қорлардағы құндылықтарға қатысты ғылыми зерттеу жұмыстарын жүргізу нәтижесінде қоғамдық ортада өзіндік ой тастап, пікір білдіріп келе жатыр.
Басылымның алғашқы санында музей ісі, музей коллекциялары, археология, тұлғатану, ескерткіштану, туризм бағыттарында бірнеше ғылыми-зерттеу мақалаларын жинақтап ұсынып отырмыз.
РЕДАКЦИЯДАН
Басылымды жүктеу
|
«МУЗЕЙ ЖАРШЫСЫ». ҒЫЛЫМИ ЖУРНАЛ. БІРІНШІ ШЫҒАРЫЛЫМ.
|