2026 жылдың қыркүйек айында Ақтөбе облыстық тарихи-өлкетану музейінің археологиялық тобының ғылыми қызметкерлері Ақтөбе облысы, Қобда ауданы, Талдысай ауылынан оңтүстік-батысқа қарай 9,5 км қашықтықта орналасқан, орта ғасырлар кезеңімен мерзімделетін Жамантоғай I мұртты қорғандарында қазба жұмыстарын жүргізді.
Зерттеу барысында үш қорғанға қазба жұмыстары жүргізіліп, нәтижесінде жылқы сүйектері, керамикалық ыдыстар және темір қазан табылды. Аталған жәдігерлер ескерткіштің тарихи-мәдени ерекшеліктерін анықтауға және ортағасырлық жерлеу дәстүрлерін зерттеуге мүмкіндік береді.








