1990 жылдың 25 қазан күні Қазақ Кеңестік Социалистік Республикасы Жоғарғы Кеңесінің №307-XII жарлығымен Қазақ Кеңестік Социалистік Республикасының мемлекеттік егемендігі туралы Декларация қабылданды.
Қазақстан Республикасы егемендігінің жариялануы Қазақстанның мемлекеттілігінің бастамасы болып есептелінеді.
2022 жылдың 16 шілдесінде Ұлттық Құрылтайда Қазақстан Республикасының Президенті Қасым-Жомарт Тоқаев ұлттық мереке мәртебесін Республика күніне қайтаруды ұсынған болатын. Осыған орай Республика күні яғни 25 қазан – ұлттық мереке болып бекітілді.
Мақсаты: Қазақстан Республикасы күніне түсінік беру. Республика күнін атап өту қарсаңында, ел тарихына шолу жасау.
Танымдық кездесуге Ақтөбе қаласындағы №18 қазақ орта мектебінің ұстаздары мен оқушылары, музей қызметкерлері қатысты. Музей қызметкерлері Республика күнінің тарихын баяндап, оқушылар еліміздің тәуелсіздігі туралы патриоттық өлеңдер оқып, пікір алмасты.
