«Шолпы» клубының ұйымдастыруымен Бесқонақтың шығу тарихына арналған дөңгелек үстел өтті.

Шарада қаламгер Еркін Дінахметов Бесқонақтың шығу тарихына тоқталып, деректер мен мысалдар келтірді, көп балалы ана, медиатор Бибігүл Әбілдаева, музей нұсқаушысы Алмагүл Сарыбай көктем мезгіліне тән табиғат құбылыстары туралы тұшымды әңгіме өрбітті.

Дөңгелек үстелге облыс әкімі жанындағы әйелдер істері және отбасылық-демографиялық саясат жөніндегі комиссия мүшелері, республикалық «Дәстүрге жол» қоғамдық бірлестігі Ақтөбе филиалының өкілдері, Қ.Жұбанов атындағы Ақтөбе өңірлік университетінің студенттері мен «Шолпы» клубының мүшелері және т.б. қатысты.