21-сәуір күні 1-мамыр – Қазақстан халқы бірлігі күні мерекесіне орай «Татулық – таусылмас бақыт» тақырыбында музейдің «Тәуелсіздік жолымен» экспозициялық залында облыстың татар-башқұрт этномәдени бірлестігі өкілдерімен кездесу ұйымдастырылды.

Музей қызметкерлеріне татар-башқұрт диаспорасының қоғамдағы рөлі мен өлкеге қоныстану тарихы туралы «Шатлык» этномәдени бірлестігі төрағасы Эльвира Хабибуллина, мүшелері Рамзия Есембаева, Максут Хисамутдинов мәліметтер келтіріп, сұрақтарға  жауап берді. Қазақ және татар тілдерінде сырнай аспабы сүйемелдеуімен ән шырқап, ұлттық би биледі.

Кездесу соңында музей басшылығы атынан қонақтарға алғыс хаттар табысталып, баспа өнімдер сыйға берілді.