«Руханият» көрме залында 31 мамыр — Ашаршылық пен саяси қуғын-сүргін құрбандарын еске алу күніне орай музей жанындағы «Руханият» танымдық-патриоттық клубының ұйымдастыруымен «Зұлмат заманның зобалаңы» атты тарихи-танымдық шара өтті.

Музейдің бөлім меңгерушісі Қыдырғали Ермұқан, «Руханият» клубының жетекшісі Жібек Абдуллина шараның маңыздылығы мен клубтың атқарылған жұмыстарына тоқталып және репрессияға ұшыраған діни қайраткерлердің ұрпақтары естеліктерімен бөлісті.

Сонымен қатар шара аясында С. Бәйішев атындағы облыстық ғылыми-әмбебап кітапханасының ұйымдастыруымен өткен «Ұлтын ұлық тұтқан арыстар» атты кітап көрмесіне библиографиялық шолу және «Руханият көрме-залындағы репрессияға ұшыраған діни қайраткерлерге арналған экспозицияларға экскурсия жүргізілді.

Сондай-ақ, діни қайраткерлердің ұрпақтары, «Руханият» клубының белсенді мүшелері мен С.Бәйішев атындағы облыстық ғылыми-әмбебап кітапханасының кітапханашылары музей директорының атынан Алғыс хаттармен марапатталды.

Шараға қуғын-сүргінге ұшыраған діни қайраткерлердің ұрпақтары, өлкетанушылар, тарихшылар мен студенттер қатысты.