Қазақ қоғамында әкенің алатын әлеуметтік орны ерекше. Отбасылық құндылықтарды насихаттау мен ата-ана институтын нығайту мақсатында Үкімет қаулысымен маусымның үшінші жексенбісі — Әкелер күні болып ресми мереке ретінде белгіленіп, еліміздің мерекелік күндердің тізбесіне енгізілді.

Мерекелік шараға облыстық «Нұр Ғасыр» мешітінің азаншысы, Халал Дамудың Ақтөбе облысы бойынша өкілі — Жарасқан Әбдісаламов, темір жол саласының қызметкері, үш баланың әкесі, ақтөбелік жас блогер — Еламан Иманғожа, ҚР-ның Құрметті азаматы, Облыстық сотта және 3-ші сотта тәжірибелі медиатор және педагог Әбілдаева Бибігүл Әдбішүкірқызы және Ақтөбе гуманитарлық колледжінің студенттері қатысты.

Кездесу барысында әкенің отбасы мен бала тәрбиесіндегі рөлі туралы талқыланды. Шара соңында экскурсиялық-бұқаралық жұмыстар бөлімінің меңгерушісі Айзагүл Джамбулова шақырылған қонақтарды музей директоры атынан Алғыс хаттармен марапаттап, ризашылығын білдірді.