29 маусым күні экскурсиялық-бұқаралық жұмыстар мен археология және этнография бөлімдері бірлесіп Ұлттық домбыра  күні қарсаңында көненің көзі, ата-бабамыздан қалған баға жетпес асыл мұрасы - қазақтың қара домбырасын насихаттау мақсатында «Тарт күйіңді, домбыра!» атты мерекелік концерттік шара ұйымдастырды.

Шара барысында рухани төл өнерімізді жалғастырып келе жатқан Демеу Жолымбетов, Өмірхан Жетесов секілді белгілі өнер майталмандары, «Әдеп» халықтық тобы, «Жеті өнер» шығармашылық орталығының көркемөнерпаз жастары, Ғ.Жұбанова атындағы облыстық филармонияның «Аққу» би ансамблі, А.Жұбанов атындағы қазақ ұлт аспаптар оркестрінің әртіс жастары қатысып, дана халқымыздың дәстүрлі ән мен жырын, киелі күй өнерін паш етті. Қолөнер шебері Ерқосай Әбілов домбыраның жасалу жолдары туралы сөз қозғады.