14 қараша күні облыстық музейде экскурсиялық-бұқаралық жұмыстар бөлімінің ұйымдастыруымен Ұлттық валюта - теңгенің айналымға енуіне 30 жыл толуына орай  «Ұлттық теңге — тәуелсіздігіміздің нышаны» тақырыбында танымдық сабақ өтті.

Сабақтың мақсаты - Тәуелсіз еліміздің ең бірінші айрықша белгісі теңгенің шығу тарихы туралы мағлұмат бере отырып, оның маңызы, теңгені енгізудің қажеттілігі, безендірілуі туралы кеңірек таныстыру. Сабақ барысында бөлімнің нұсқаушысы А.Сарыбай тарихтағы ең алғашқы ақшалардың пайда болуы, теңгенің шығу тарихы туралы мол мағлұмат берді. Бөлім меңгерушісі А.Джамбулова оқушыларға 1993 жылы ұлттық валютаны енгізудің қажеттілігі мен теңге банкноттарының эволюциясы туралы ақпарат берді. Сабақты қорытындылау мақсатында рефлексия әдісімен сұрақ-жауап арқылы кері байланыс орнатылды.

Танымдық сабаққа М.Дулатұлы атындағы №63 ЖББ орта мектеп-лицейінің 7 класс оқушылары қатысты.