Қазақ халқының көрнекті ғалымы, Қазақстан Ғылым Академиясының тұңғыш президенті, геология ғылымдарының докторы, академик Қаныш Сәтбаевтың (1899-1964ж.ж.) туғанына 125 жыл
Көрме залында Қазақ КСР Ғылым Академиясының тұңғыш президенті, академик, геология ғылымдарының докторы, зерттеуші Қаныш Имантайұлы Сәтбаевтың (1899-1964 ж.ж.) туғанына 125 жыл толуына орай «Ұлтымыздың кемеңгер перзенті» көрме жасақталды. Ақтөбе облысынан шығатын пайдалы қазбалардың 400-ден астам түрі музейдің табиғат қорында жинақталған. Облыс аймағында мұнай, газ, көмір, хром, фосфор, түсті және сирек кездесетін металдар, (мыс, цинк, алюминий, титан, цирконий, никель) бағалы металлдар ( алтын, күміс), ауқымды деңгейдегі құрылыс материалдары т.б кездеседі. Музейдің табиғат залында Қ.Сәтбаевқа арналған экспозицияда пайдалы қазбалардың картасы, пайдалы қазбалардың үлгілері қойылған.
Мақсаты: Қ.И.Сәтбаевтың өмірі мен өскен ортасы, білім мен ғылым жолындағы ғылыми шығармашылық еңбектерін жұртшылыққа насихаттау.
