Наурызнама онкүндігі аясында «Мәдениет және ұлттық салт-дәстүр» күніне орай Ақтөбе облыстық тарихи-өлкетану музейінде «Өнер өрнегіндегі ұлттық дәстүр» атты тағылымды кездесу кеші өтті. Кештің басты қонағы – қолөнердің сан қырын меңгерген, ұлттық өнерді ұлықтап жүрген шебер ана Қазыкенова Қымбат Сатыпалдықызы болды.

Кездесу барысында шебер ана өзінің өнер жолына қалай келгенін, алғашқы қадамдарынан бастап бүгінгі жетістіктеріне дейінгі еңбек пен ізденіске толы жолын баяндап берді. Бүгінде ол – қазақы дәстүрдің терең мәнін бойына сіңірген нағыз өнер иесі. Кеш рухани құндылықтарды дәріптеп, жас ұрпаққа ұлттық мұраны насихаттаудың жарқын үлгісіне айналды. 

Айта кетейік, Қазыкенова Қымбат Сатыпалдықызы бұл шараға Алға ауданының Тоқмансай елді мекенінен арнайы келіп, өзінің өнерімен бөлісті.