2026 жылғы 25 қазанда Республика күні мерекесіне орай Ақтөбе облыстық тарихи-өлкетану музейінде «ЖАС ЭКСКУРСОВОД-2026» облыстық байқауы өтті.

Байқаудың мақсаты – көне жәдігерлердің құндылығын арттыру, өскелең ұрпаққа «музей», «жәдігер», «экскурсия» ұғымдарының маңызын түсіндіру, халықтың қолындағы көне жәдігерлерді анықтап, мүмкіндігінше музей қорына тарту болды. Сонымен қатар музейдің халық арасындағы имиджін көтеруге бағытталды.

Байқау жас қатысушылардың шығармашылық әлеуетін ашуға, музей мәдениетіне деген қызығушылығын арттыруға және экскурсоводтық шеберлігін дамытуға мүмкіндік берді.

Байқауға Ақтөбе облысының 10–17 жас аралығындағы жасөспірімдері қатысты. Жеңімпаздар арнайы дипломдармен және қаржылай сыйлықтармен марапатталды.