Ақтөбе облыстық
ТАРИХИ-ӨЛКЕТАНУ
МУЗЕЙІ
05-11-2024
І Республикалық ғылыми-тәжірибелік конференциясы
Толығырақ...
8 наурыз — Халықаралық әйелдер күніне арналған «Қазақ әйелі: кеше, бүгін және ертең» атты танымдық кездесу өтті.
Мерекелік шарада «Қазақ аналары — дәстүрге жол» жобасы аясындағы Аналар қауымдастығы Ақтөбе филиалының өкілдері, сондай-ақ, Қ.Жұбанов атындағы Ақтөбе өңірлік университетінің оқытушысы Жазира Оразаева және көп балалы ана, медиатор Бибігүл Әбілдаева әйелдің қоғамда алар орны ерекше екенін айтып, өмірлік іс-тәжірибелерімен ой бөлісті.
Жыл сайын 21 ақпанда әлемде Дүниежүзілік экскурсия жүргізушілері күні атап өтіледі. Аталмыш күнді экскурсоводтар қауымдастығының дүниежүзілік федерациясы экскурсия жүргізушілері жұмысының маңыздылығы туралы жұртшылықтың хабардар болуын арттыру мақсатында құрған болатын. Мереке аясында Ақтөбе облыстық тарихи-өлкетану музейінде музей қызметкерлеріне арналған «Тиімді команда» семинар-тренингі ұйымдастырылды. Семинар-тренингтің мақсаты — ұжым мүшелерінің өзара әрекеттесу дағдыларын меңгерту арқылы жұмыстың тиімділігін, қызметкерлердің бастамашылдық деңгейін арттыру.
17 ақпан күні Ақтөбе облыстық тарихи-өлкетану музейінде азаттықтың алғашқы қоңырауы болған «Қазақ» газетінің 110 жылдығына орай «Газет-халықтың көзі, құлағы һәм тілі» - атты тарихи-танымдық шара ұйымдастырылып өткізілді. Қазақ даласының түгелге дерлік көзі ашық оқыған жұртын бір- біріне жақын қылған, бір жерге топтастыра білген «Қазақ» газетінің іс-шарасы музейдің жас буын қызметкерлері мен мектеп оқушыларының қатысуымен «Қазақ» газеті- 1918 жыл » - сахналық көрінісімен басталды.
Музейдің комплаенс қызметінің ұйымдастыруымен өткізілген құқықтық сағатта ҚР Президентінің 2022 жылғы 2 ақпандағы №802 Жарлығымен бекітілген «ҚР Сыбайлас жемқорлыққа қарсы саясатының 2022-2026 жылдарға арналған тұжырымдамасы», музейдің сыбайлас жемқорлыққа қарсы іс-қимыл саясаты, мекемеде мүдделер қақтығысын реттеу туралы және коммерциялық пара беру бойынша түсіндіру жұмыстары жүргізіліп, талқыланды.
Ақтөбеде көрнекті ғалым-этнолог, этноархеолог Серік Әжіғалидің 70 жас мерейтойына арналған «Еуразия тарихы мен мәдениеті аясындағы Арал-Каспий аймағы» атты ІІІ Халықаралық ғылыми конференциясы және шара аясында секциялар жұмысы өтті. Оған Отандық және алыс-жақын шет елдерден келген ғалымдар қатысты.
