Ақтөбе облыстық
ТАРИХИ-ӨЛКЕТАНУ
МУЗЕЙІ
17 ақпан күні Ақтөбе облыстық тарихи-өлкетану музейінде азаттықтың алғашқы қоңырауы болған «Қазақ» газетінің 110 жылдығына орай «Газет-халықтың көзі, құлағы һәм тілі» - атты тарихи-танымдық шара ұйымдастырылып өткізілді. Қазақ даласының түгелге дерлік көзі ашық оқыған жұртын бір- біріне жақын қылған, бір жерге топтастыра білген «Қазақ» газетінің іс-шарасы музейдің жас буын қызметкерлері мен мектеп оқушыларының қатысуымен «Қазақ» газеті- 1918 жыл » - сахналық көрінісімен басталды.
Музейдің комплаенс қызметінің ұйымдастыруымен өткізілген құқықтық сағатта ҚР Президентінің 2022 жылғы 2 ақпандағы №802 Жарлығымен бекітілген «ҚР Сыбайлас жемқорлыққа қарсы саясатының 2022-2026 жылдарға арналған тұжырымдамасы», музейдің сыбайлас жемқорлыққа қарсы іс-қимыл саясаты, мекемеде мүдделер қақтығысын реттеу туралы және коммерциялық пара беру бойынша түсіндіру жұмыстары жүргізіліп, талқыланды.
Ақтөбеде көрнекті ғалым-этнолог, этноархеолог Серік Әжіғалидің 70 жас мерейтойына арналған «Еуразия тарихы мен мәдениеті аясындағы Арал-Каспий аймағы» атты ІІІ Халықаралық ғылыми конференциясы және шара аясында секциялар жұмысы өтті. Оған Отандық және алыс-жақын шет елдерден келген ғалымдар қатысты.
Қараша айының 3-4 күндері Қарағанды қаласында облыстық тарихи-өлкетану музейінің 90 жылдық мерейтойына арналған «Өткен мен болашақтың арасы» атты Қазақстан музейлерінің қорынан этнографиялық және археологиялық құнды экспонаттардан жылжымалы көрме ұйымдастырылды. Көрмеге «Ақтөбе жері – қаһармандық дастаны» тақырыбында музей қорынан қарақыпшақ Қобыланды батыр, Әбілқайыр хан, Есет батыр Көкіұлы және Арынғазы ханға қатысты жәдігерлер экспозициясы жасақталып қойылды.
1990 жылдың 25 қазан күні Қазақ Кеңестік Социалистік Республикасы Жоғарғы Кеңесінің №307-XII жарлығымен Қазақ Кеңестік Социалистік Республикасының мемлекеттік егемендігі туралы Декларация қабылданды.
